शिर्षक:- तो असतो बाप.
चाळणी सारखे झालेले बनीयन अंगात घालुन
पोराला मालक बनवायचे स्वप्न पाहणारा.....||1||
तो असतो बाप.
आयुष्यात गरीबीच्या काटेरी वाटेवर चालतांना
स्वप्नाची पायघडी घालणारा.....||2||
तो असतो बाप.
आयुष्य झिजवुन लेकरांसाठी आनदांची,
सुखी समाधानाची बाग फुलवणारा.....||3||
तो असतो बाप.
परिस्थितीला समाधानाची झालर पांघरुण
प्रत्येक श्वासाशी संघर्ष करणारा.....||4||
तो असतो बाप.
कष्ट आणि घाम गाळून कमावलेली
इमानदारीची प्रतिष्ठा गावभर मिरवणारा.....||5||
तो असतो बाप.
आयुष्यभर पोटाला चिमटा देऊन
लेकरांच्या मुखात चिमुटभर घास भरवणारा.....||6||
तो असतो बाप.
अभिमान व अहंकार नसलेला
सामान्य माणूस म्हणून जीवन जगणारा.....||8||
तो असतो बाप.
जबाबदारीच्या वाढलेल्या वेलीचा गुंता सोडवतांना
अंथरुणावर खितपत पडलेला.....||9||
तो असतो बाप.
मावळतीला गेलेल्या सूर्याप्रमाणे एक दिवस कायमचा आठवणींचा अंधार पसरवून गेलेला..... ||10||
तो असतो बाप.
🙏🙏
राजेंद्र शेळके
9823425852
No comments:
Post a Comment