कवितेचे शिर्षक:- बालपणीची शाळा
कोरी पाटी घेऊन
दाखल झालो शाळेत
कानाला हात पुरवुन
गुरुजी म्हणाले बसा शाळेत
गुरुजींनी केले स्वागत
मायेचा हात फिरवत
आपले गुरुजी म्हणून
घरी आलो मिरवत
अभ्यासाचा ताण नाही
पाठांतराची भिती नाही
हसत खेळत बडबड गाणी
उड्या मारत म्हणू लागलो
कळलेच नाही अ आ ई
लिहायला कधी शिकलो
चित्र मोजुन संख्या
ओळखायला लागलो
बघता बघता शिक्षण
सर करत गेलो
बालपणीची शाळा मात्र
मनात घर करत राहीलो
शिक्षणाचा संस्कार दिला
दिली जिवनात शिस्त
अशी माझी बालपणीची शाळा
आजही वाटते मस्त
✍✍✍✍
राजेंद्र शेळके
9823425852
No comments:
Post a Comment