कवितेचे शिर्षक:- आई
जिवाच रान करून तिनं सांभाळलं होतं मला
लहानाचं मोठं करता करता भान उरलं नव्हतं तिचं तिला ||
ती उपाशीपोटी राहून घास भरवत होती मला
तिच्या ममतेचा एक एक घोट पाजत होती मला ||
ऊन वारा लागू नये म्हणून ती जपत होती मला
तिच्या मायेचा पदर पसरवत होती माझ्या अंगाला ||
ती रात्रभर जागी राहून झोपवत होती मला
तिच्या प्रेमाचा झोका झुलवत होती सदा ||
नजर लागेल कुणाची आपल्या बाळाला म्हणून
तिच्या आसवांचा ठिपका देत होती माझ्या गालाला ||
कसं विसरून चालेल या थोर माझ्या आईला
जिने जन्मा बरोबर जग दाखविले या जिवाला ||
✍✍✍✍
राजेंद्र शेळके
9823425852
No comments:
Post a Comment